Қарағанды филиалы Аукционерлік Қоғамы «Апаттар медицинасының темір жол госпитальдары»

рус / каз

Әнұран мемлекеттің басты рәміздерінің бірі. Гректің «gimneo» сөзінен шыққан «гимн» термині «салтанатты ән» деген мағынаны білдіреді. Әнұран ел азаматтарын тиімді әлеуметтік-саяси тұрғыдан топтастырып, этномәдени тұрғыдан теңдестіру үшін негізгі мәнге ие, маңызды дыбыстық рәміз саналады.

Тәуелсіз Қазақстанның тарихында еліміздің мемлекеттік әнұраны екі рет – 1992 және 2006 жылдары бекітілді.

Республика мемлекеттік егемендігін иеленгеннен кейін, 1992 жылы Қазақстан әнұранының музыкасы мен мәтініне байқау жарияланды. Байқау қорытындысы бойынша Қазақ КСР әнұранының музыкалық редакциясын сақтау туралы шешім қабылданды. Осылайша тәуелсіз Қазақстанның алғашқы әнұранының музыкасының авторлары Мұқан Төлебаев, Евгений Брусиловский және Латиф Хамиди болды. Сонымен қатар, үздік мәтінге жарияланған байқауда авторлар ұжымы, белгілі ақындар Мұзафар Әлімбаев, Қадыр Мырзалиев, Тұманбай Молдағалиев және Жадыра Дәрібаева жеңіп шықты.

Елдің дыбыстық рәмізінің танымалдығын арттыру мақсатында 2006 жылы жаңа мемлекеттік әнұран қабылданды. Оның негізі ретінде халықтың арасында кеңінен танымал «Менің Қазақстаным» патриоттық әні таңдап алынды. Ол әнді Шәмші Қалдаяқов 1956 жылы Жұмекен Нәжімеденовтің сөзіне жазған болатын. Қазақстан Президенті Нұрсұлтан Назарбаев әнге мемлекеттік әнұран жоғары мәртебесін беру және анағұрлым салтанатты шырқалуы үшін музыкалық туындының бастапқы мәтінін өңдеді. Қазақстан Парламенті 2006 жылы 6 қаңтарда палаталардың бірлескен отырысында «Мемлекеттік рәміздер туралы» Жарлыққа тиісті түзету енгізіп, еліміздің жаңа мемлекеттік әнұранын бекітті.


Сөзін жазғандарЖумекен Нажимеденов, НурсУлтан Назарбаев

Әнін жазғанШамши Калдаяков

 

Алтын күн аспаны,

Алтын дән даласы,

Ерліктің дастаны,

Еліме қарашы!

Ежелден ер деген,

Даңқымыз шықты ғой.

Намысын бермеген,

Қазағым мықты ғой!

 

Припев:

 

Менің елім, менің елім,

Гүлің болып егілемін,

Жырың болып төгілемін, елім!

Туған жерім менің - Қазақстаным!

 

Ұрпаққа жол ашқан,

Кең байтақ жерім бар.

Бірлігі жарасқан,

Тәуелсіз елім бар.

Қарсы алған уақытты,

Мәңгілік досындай,

Біздің ел бақытты,

Біздің ел осындай!

 

Припев:

 

Менің елім, менің елім,

Гүлің болып егілемін,

Жырың болып төгілемін, елім!

                                             Туған жерім менің - Қазақстаным!


Біздің әріптестердің сайттары, қарап көрулеріңізді сұраймыз:


Қазақстан 2050













«Қазақстан-2050» Стратегиясының жаңа логотипі береке - бірлік идеясың, мақсат - мұдесі ортақ қазақстандық қоғамның ынтымағын бейнелейді. Логотиптің негізіне шаңырақ алынған. Бұл - бейбітшілік пен келісімде өмір сұріп отырған тұрлі мәдениеттер мен этностар өкілдерінің ортақ ұйінің символы.
Үйдің кендігі мен шаңырақтың беріктігі кереге байланысты. Керегенің тоғысқан тұсы Қазақстанның көпұлты халқының жарасымды өмір сұруі идеясын білдіреді. Әлемдік қоғамдастықта өзінің лайықты орнын алуға ұмтылған ұлтың қайраты мен ауызбіршіліктің қуаты шеңберлене бейнеленген нұр сәулесімен ажарланады.
«Қазақстан-2050» Стратегиясының жаңа логотипі бұл саяси тұрақтылық, экономикалық даму, әлеуметтік әл-ауқат негізінде өркениетті мемлекет құруды мақсат еткен қазақстандықтардың қоғам игілігі мен еліміздің гұлденуі жолындағы ерен еңбегін тағы бір қуаттай тұседі.

Дәрігерді іздеу

Ту


Елтаңба


Әнұран